Sən mənim sevdiyim o qız deyilsən

pol Repery 23 Fev 2013 / 15:25
Baxıram, tanıya bilmirəm səni,
Sən mənim sevdiyim o qız deyilsən.
Yubka dar, kofta dar, lap açıq-saçıq,
Sən mənim sevdiyim o qız deyilsən.

Dəyişib, o məsum üzün dəyişib,
Tərtəmiz, saf olan gözün dəyişib.
Söhbətin dəyişib, sözün dəyişib,
Sən mənim sevdiyim o qız deyilsən.



Hanı o həya, ar, o utancaqlıq,
Könlümü fəth edən təmizlik, paklıq?
İndi səni tutub çirkab, bataqlıq,
Sən mənim sevdiyim o qız deyilsən.

Dodaqlar boyanıb, saçlar saralıb,
Qara kirpiklərin bir də qaralıb.
Yubka çox qısalıb, kofta daralıb,
Sən mənim sevdiyim o qız deyilsən.



Sən niyə dəyişdin, cavab ver, niyə?
Söylə, necə qıydın o gözəlliyə?
Əbədi son qoydun eşqə, sevgiyə,
Sən mənim sevdiyim o qız deyilsən.

Sanırsan hamıdan birincisən sən,
Dərdlərin dərmanı, sevincisən sən.
Əldən-ələ gəzən bir “incisən” sən,
Mənim çox sevdiyim o qız deyilsən.



Dəyişib yerişin, davranışların,
Daha yoxdur ürkək, saf baxışların.
Olmusan eqoist, qudurğan, harın,
Sən mənim sevdiyim o qız deyilsən.

Səbəbi nə idi bu dəyişmənin?
Bu iyrənc, bu vulqar “gözəlləşmənin”?
Nəyin çatışmırdı, bir söylə, nəyin?
Sən mənim sevdiyim o qız deyilsən.



Fəqət əvvəlki tək qala bilərdin,
Ürəkləri oda sala bilərdin.
Baxışınla canlar ala bilərdin,
Nə fayda, sən artıq o qız deyilsən...

Mənim sevdiyim qız bir mələk idi,
O əl dəyilməmiş bir çiçək idi.
Bil ki mənə sən yox, “o” gərək idi,
Sən mənim sevdiyim o qız deyilsən.



Dəyişib, o məsum üzün dəyişib,
Sevgi dolu baxan gözün dəyişib.
Varlığın dəyişib, özün dəyişib,
Sən mənim sevdiyim o qız deyilsən.

Dəyişdin, sevgilim, gəl bunu bil ki,
Daha məndən heç vaxt gözləmə sevgi.
Nə vaxtsa rastlaşsaq, deyəcəyəm ki,
Sən mənim sevdiyim o qız deyilsən...

[cavab]

pol telimat 23 Fev 2013 / 15:27

[cavab]

pol D_A_G_L_I 23 Fev 2013 / 15:28
+++++

[cavab]

pol Repery 23 Fev 2013 / 15:33
saolun :)

[cavab]

pol Siya 23 Fev 2013 / 15:34
.....

[cavab]

pol Esger_Balan 23 Fev 2013 / 15:45
qeweng

[cavab]

pol Repery 23 Fev 2013 / 15:48
qeweng gunun olsun

[cavab]

pol @zerbaycan 23 Fev 2013 / 15:57

[cavab]

pol **Feya** 23 Fev 2013 / 16:00
Super...

[cavab]

pol Repery 23 Fev 2013 / 16:03
twkrler :)

[cavab]

[1] 2 →

 
Bölmeye qayıt
19.04.13 22:00
0.1471 san.
© 2012 - Şen Fermer Oyunu Tarla.az