..... Qezel.......
Rahi
15 Mart 2015 / 23:54Qәrq oldum ümüdsüzlüyә hicran yağışında,
İslandım ömür yollarının hәr qarışında.
Göz yaşlı,ürәk qәmli,fәqәt bilmәrәm ondan
Eylәr nә tәmanna hәrә öz yalvarışında.
Bir gün yaşam üçün bir ümid görmәdim,amma
Hәr gün bir ölüm kölgәsi gördüm baxışında.
Gözlәrdәn axan sadәcә göz yaşı deyil ki,
Sәnsiz bir ömürdür tükәnir vaxt axışında.
Aç birbәbir ömrün xalısından nә naxış var,
Sök birbәbir,әl saxla mәhәbbәt naxışında.
Sәnsiz gecә gündüz könül axtardı tәsәlli,
Bir gün qarabuğdayıda,bir gün sarışında.
Mәcburi qәbul etdi uğursuzluğu Pünhan
İllәrlә hәyat sürdü vәfa axtarışında.
Punhan Alatava
[cavab]