ismet 18 Noy 2014 / 14:37
İçim məni yaxır, çölüm özgəni,
Görənlər sanırlar məni bəxtəvər.
Üzümdə təbəssüm olsa da hər an,
Ömrümü bürüyüb həm qüssə, həm şər,
Qəribə haldayam- “bəxtsiz bəxtəvər”.
***
Duyulmur harayım, duyulmur səsim,
Elə bil dünyada yoxdur heç kəsim,
Bir külək olub mən dağlarda əsim,
Olmasın istirab, olmasın kədər,
Qəribə haldayam-“bəxtsiz bəxtəvər”.
***
Yay vaxtı üşüyüb, qışda yanıram,
Özümü dünyaya çox yad sanıram,
Hər kəsə kədəri, dərdi danıram.
Bəs özüm? Hər kəsə danmağım hədər,
Qəribə haldayam-“bəxtsiz bəxtəvər”.
***
Razıyam, qırılım, əyilməyim mən,
Başımın üstünü bürüməsin çən,
Yaşama səbəbim sadəcə sənsən,
Sən yoxsan, neyləyim, xəyalın yetər,
Qəribə haldayam-“bəxtsiz bəxtəvər”.
***
Bu dünya dar gəldi mənim sevgimə,
Baharda qar gəldi mənim sevgimə,
İstirab kar gəldi mənim sevgimə,
Qəribin dərdinə dözməz hətta “nər”,
Qəribə haldayam-“bəxtsiz bəxtəvər”.
[cavab] ismet 18 Noy 2014 / 14:37
Şeirdən xoşum gəldi ona görə yazdım)
[cavab] KaTa 18 Noy 2014 / 14:50
Twk gozeldi
[cavab] ismet 18 Noy 2014 / 14:59
KaTa, dəyməz
[cavab] CAVKA 18 Noy 2014 / 16:30
Cow gozel
[cavab] Bölmeye qayıt