ismet 12 May 2014 / 02:54
1 saniyə...
Bir saniyə. Həyatınızı yaxşılaşdırıb, xoşbəxt olmağınız üçün sizə məhz bu qədər vaxt lazımdır. İnanmırsınız? O zaman aşağıda sadalanan addımlardan heç olmasa, birini tətbiq edin, özünüz bunun şahidi olacaqsınız.
***Gülümsəyin
Bu, xoşbəxt olmağın ən sadə yoludur. Bizim ölkəmizdə insanlar nədənsə bu haqda bilmirlər və ya bilmək istəmirlər. Çünki əksəriyyət qəmgin və fikirli simada gəzir.
***Dərindən nəfəs alın
Dərindən nəfəs almaq stresdən azad olmağın və normal həyata qayıtmanızın ən yaxşı metodudur.
***Telefonu söndürün
Biz tamamilə telefondan, kompüterdən, planşetdən, televizordan və başqa texnikalardan asılı olan insanların arasındayıq. Burada iki hal ola bilər; siz texnikadan hansısa məqsəd üçün istifadə edirsiniz, ya da texnika sizin həyatınızı idarə etməyə başlayır.
***Ətrafınıza nəzər salın
Həyat o qədər qısadır ki, bəzən bizim həyatımızı daha da yaxşı səmtə çevirən gözəl anlara ehtiyac duyuruq. Sadəcə bir neçə saniyə sərf edərək pəncərəyə yaxınlaşın və ətrafa nəzər salın, payızın gözəlliyini, rənglərini duyun. Əgər küçədəsinizsə, başınızı qaldırıb səmaya baxın. Günəşin doğub-batmasını izləyin. Ətrafınıza baxın və hər şeyə nəzər salın — sizi həyatda əhatə edən hər bir elementə. Bu, sizi xoşbəxt edəcək.
***1 qurtum su için
Hər kəsə məlumdur ki, su bizim orqanizmimiz üçün çox xeyirlidir. Harda olmanızdan aslı olmayaraq, çalışın su hər zaman yanınızda olsun. Bu sizin su balansınızı normada saxlamağa, normal çəkidə qalmağa, eləcə də böyrəklərinizin təmizlənməsinə və dərinizin cavan qalmasına yardimçı ola bilər.
***Minnətdarlığınızı bildirin
Xoşbəxt insanların bir ortaq cəhəti var: onlar həyatlarında olan hər yaxşı şeyə görə şükür edirlər.

*Müdriklərin fikrinə görə, 1000 metrlik yol belə 1 addımdan başlayır. Düzdür, bu saniyə metodları sizin bütün problemlərinizi həll etmir, amma unutmayaq ki, bir gün 86400 saniyədir və onun necə idarə olunması sizdən asılıdır.
[cavab] Fialka 12 May 2014 / 03:02
ismet, twk
[cavab] ismet 12 May 2014 / 03:06
Fialka, deymez))
[cavab] Bölmeye qayıt