*BaBNiK* 29 Apr 2014 / 14:35
Gəl, məni dost kimi dindir, danışdır.
Dost bilsin qıraqdan camaat bizi.
Mən deyim: dostumdur, sən de: tanışdır,
Hamıdan gizlədək sevdiyimizi.



Danışaq, gülüşək, gəzək yan-yana
Onda adımıza söz də deyilməz.
Gizli görüşümüz çıxsa meydana,
Deyək ki, dost dostla görüşə bilməz?

Yalandan bir oğlan şəkili gətir,
Heç kim bilməsin ki, sevgiliyik biz.
İstəsən arada qoluma da gir,
Burda pis nə var ki, dost deyilik biz?

Zəng elə danışaq dərsdən-filandan,
Anana denən ki, bir yoldaşımdı.
Qoy hamı «dost» bilsin bizi hər zaman,
Denən ki, heç mənim sevən yaşımdı

Bu yolla gizlədək gəl sevgimizi,
Camaat «dost» bilsin, anansa yoldaş
«Dost»luğa bükərək həsrətimizi,
Bir azcıq sevinək gəl yavaş-yavaş.

«Dost»luqla böyüsün məhəbbətimiz,
Qoy daha olmasın həsrət, göz yaşı
Gəl, əvvəl həyatda yoldaş olaq biz,
Sonrasa olarıq həyat yoldaşı
[cavab] Fialka 29 Apr 2014 / 15:23
Superdi twk...
[cavab] nazim_emirov 29 Apr 2014 / 16:16
cox gozel movzudu
[cavab] nazim_emirov 29 Apr 2014 / 16:17
ozun yazmisan?
[cavab] *-MANAT-* 29 Apr 2014 / 16:55
Super seirdi.1 setr vezne dusmeyib qiriqliq var


Qalan her sey super oz yerinde
[cavab] Bölmeye qayıt