** Bir Gun ***
*BaBNiK*
29 Apr 2014 / 14:01Hər zaman sevincdən ağlamışam mən,
Bilmirdim əsəbdən güləcəm bir gün.
Burdan uzaqlara gedirəm indi,
Amma ki, qayıdıb gələcəm bir gün.˚
Gələcəm baxmağa uzaqdan sənə,
Görüm xoşbəxtsənmi bu qədər yenə.
Lazımi dəyəri vermədin mənə,
Mən sənə peşmanlıq verəcəm bir gün.
Şəklində gözünü qaşını sildim.
Nə fərqi ya məzar daşını sildim?
Daha gözlərimin yaşını,
Səni də qəlbimdən siləcəm bir gün.
Nə yaxşı vaxtında doğrunu bildim,
Fəlakət yolundan geri çəkildim.
Ölsəm düşünmə ki, dərdindən öldüm.
Onsuz da hamı tək öləcəm bir gün.
Ölüm qaçılmazdı qaç ölkə-ölkə,
Yanından ayrıla bilərmi kölgə?
İndi sevinirsən, gülürsən bəlkə,
Səni də ağlayan görəcəm bir gün
[cavab]