"Bağban filankes bermekili olduğu halda bermekili hesab olunmasın" bagbanin hekayesi
@Seyyid@
11 Avq 2013 / 22:14Vezir payızın son günlerinde şahla birlikde sarayın bağına gelir. O, hemyerlisi olan bağbanın meharetini nümayiş etdirmek isteyir. Yarpaqları tökülmüş ağacların bezi hündür budaqlarında görünen meyveler bağbanın meharetinden, onun ağaclara yaxşı qulluq etmesinden danışır. Ağaclara heyretle baxan şah meyve dermek isteyir. Amma meyveler hündürde olduğundan bu iş mümkün olmur. Şah elini eline daraqlayır, vezir ayağını şahın elleri üstüne qoyub qalxır ve meyvelerden derir. Lap yüksekde olan meyveni dermek üçün vezir ayağını şahın çiynine qoyur. Bağban bu sehneni soyuqqanlılıqla müşahide edir. Bir sebet meyve yığan şahla vezir bağdan çıxmazdan önce şah bağbanın zehmetini qiymetlendirmek üçün ona:
"Menden ne isteyirsen?" - deye sual verir. Bağban şahın salamatçılığı ve uzun ömürlü olmasından savayı bir isteyi olmadığını bildirir. Şah israr edir ki, bağban bir şey istesin. Bağban yene teşekkür edib şahdan başqa isteyi olmadığını deyir. Üçüncü defe şah sesini ucaldıb deyir ki, hökmen bir şey istemelisen. Bağban xecaletle başını aşağı salıb deyir: "Şahım, indi ki özünüz mecbur edirsiniz, eybi yoxdur. Menim sizden bir isteyim var. Xahiş edirem bir kağıza "bağban bermekili olduğu halda bermekili hesab edilmesin" sözlerini yazıb veresiniz." Şah teeccüble deyir: "Men seni ağıllı adam hesab edirdim. Görürsen ki, men bütün mühüm vezifeleri bermekililere vermişem. Vezir bermekili, vekil bermekili, xezinedar bermekili, etrafımdakıların ekseri bermekilidir. Ne üçün sen bu imtiyazdan istifade etmek istemirsen? Ne üçün bermekili sayılmaqdan imtina edirsen?" Bağban soyuqqanlılıqla bildirir: "Şahım, özünüz mecbur etdiniz ki, bir şey isteyim, men de istedim.
Eger meslehet deyilse, yazmayın." Şah razılaşır. Ona kağız-qelem getirirler. Yazır ki, bağban filankes bermekili olduğu halda bermekili hesab olunmasın. Kağızı möhürleyib bağbana verir. Günler ötür. Şahın bermekili veziri veziyeti öz xeyrine bilib, şahı aradan götürmek qerarına gelir. Şaha sui-qesd hazırlanır. Vezirin planı üzre ziyafet teşkil edilir, süfre salınır. Şah elini xöreye uzatmaq isteyende xefiyyeler şaha pıçıldayırlar ki, yemeye zeher qatılıb. Bu xeberi yoxlamaq üçün pişik getirirler. Hazırlanmış yemekden bir qeder pişiye yedirirler. Çox keçmemiş pişik ölür. Derhal aşpaz hebs edilir ve ilkin sorğularda me`lum olur ki, sui-qesd vezir terefinden hazırlanıb ve bermekililer hakimiyyeti ele keçirmek niyetinde olublar.
Şahın emri ile bütün bermekililer hebs olunur. Onları bir-bir e`dam edirler. Növbe bermekili bağbana çatır. Bağban dar ağacının altında fürset isteyib qoynundan bir kağız çıxarır. Cellad kağızı oxuyub teeccüblenir. Şahın desti-xetti ile yazılmış ve möhürlenmiş mektubda deyilirdi: "Bağban filankes bermekili olduğu halda bermekili hesab olunmasın". Kağızı şaha gösterirler. Şah onu öz eli ile yazdığını tesdiqleyir. Düşünür ki, bele bir mektub yazdırmaq bağbanın ağlına haradan gelib? Bağbanı şahın hüzuruna getirilirler. Şah bu işin sirrini soruşur. Bağban deyir "Şahım, sizin nece meyve dermeyinizi seyr edirdim. Vezir böyük şahenşah hezretlerine hörmetsizlik gösterirdi. O ayağını sizin elinize, hetta çiyninize qoyurdu. Men öz-özüme düşündüm: "Bir o qalıb ki, vezir şahın başına çıxsın ve ordan başıaşağı yıxılsın. Qorxdum ki, bir gün şahın başından yıxılanda zerbesi mene de deye. Bu tehlükeni vaxtında sovuşdurmaq üçün bermekili tanınmaqdan imtina etdim."
[cavab]
Excellent
11 Avq 2013 / 22:26@Seyyid@,
teklerrr 
[cavab]
Djaka
11 Avq 2013 / 22:42super
red. Djaka (11.08 /22:42)
[cavab]