tapmacalar(sunn)

pol Sunn 18 Apr 2013 / 15:49
Ayağı yoxdur, qaçır,
Qanadı yoxdur, uçur.
Açmasi : Bulud

***

Araba gedər, izi yox,
Yanar, yanar, közü yox.
Açmasi : Günəş

***

Bir ağacım var, oniki budağı.
Hər budağın otuz yarpağı.
Açmasi : İl, aylar, günlər, gecə, gündüz

***

Bir qızıl öküzüm var,
Harda yatsa ot bitməz.
Açmasi : Od

***

Biri gedər, gəlməz,
Biri yatar, durmaz.
Açmasi : Tüstü, kül

***

Qəndə oxşar dadı yox,
Göydə gəzər qanadı yox.
Açmasi : Qar

***

Göydə doğular,
Yerdə boğular.
Açmasi : Yağış

***

Bostanda var bir arvad,
Paltar geyib qatbaqat.
Açmasi : Kələm

***

Yer altında sarı biz.
Açmasi : Kök

***

Bir dağarcıq unum var,
Içində bir oxlov.
Açmasi : İydə

***

Bir təndirim var iki çörək tutur.
Açmasi : Qoz

***

Bu yanı taxta, o yanı taxta,
Yumuru bəy otaqda.
Açmasi : Fındıq

***

Daha ətraflı →


Aşmaz-uşmaz,
Yerə düşsə,
Beli sınmaz.
Açması: Yarpaq

***

Əyri-üyrü boy atar,
Əyağı yerə batar.
Salxım-salxım sallanar
Altında sarvan yatar.
Açması: Söyüd ağacı

***

İnəyim var eşikdədi,
Alı-ili eşikdədi,
İldə bir kərə sağılar.
Özü yenə eşikdədi.
Açması: Bağ

***

Uzanar, ha uzanar,
Qollarınnan balalar.
Açması: Ağaclar
Alaca, ha bulaca,
Səpdirmişəm yamaca,
Düz dırmaşar ağaca.
Açması: Lobya

***

Anaxanım atlandı,
Qol-qanadı qatlandı.
Açması: Kələm

***

Babam oturub al çuxada,
Kim soyundursa gözü çıxar.
Açması: Soğan

***

Bağda bitər tağı yox,
Ha sıxarsan yağı yox.
Açması: Bibər

***

Lalalar, ay lalalar,
Laladan piyalalar,
Qol-budağı çiçəklər,
Köklərindən balalar.
Açması: Kartof

***

Ləyənda, ay ləyəndə,

Gül boynunu əyəndi,
Yeyilər kal vaxtında,
Yemək olmaz dəyəndə.
Açması: Xiyar

***

Ağ yerə toxum səpərlər
Açması: Yazı

***

Ağzı birdi, dili mindi,
Gah belə deyir, gah elə.
Açması: Qələm

***

Ağca atı nalladım,
Səmərqəndə yolladım.
Açması: Məktub

[cavab]

pol WINSTON 18 Apr 2013 / 15:55
Tapa bilmedim brat bagisla

[cavab]

pol Kuray 18 Apr 2013 / 15:56
-

[cavab]

pol Ceyla 18 Apr 2013 / 16:12
Bunun neyi tapmaca oldu? Ozunuz yazib ozunuz de cavablamiisiz.

[cavab]

pol @zerbaycan 18 Apr 2013 / 16:15
Ceyla,

[cavab]

pol @zerbaycan 18 Apr 2013 / 16:16
Ceyla, No PaliT)))))

[cavab]

pol Sudden_Death 18 Apr 2013 / 16:24
Daha ətraflı →

[cavab]

pol _Ulduz_ 18 Apr 2013 / 16:46

[cavab]


 
Bölmeye qayıt
19.04.13 22:00
0.1535 san.
© 2012 - Şen Fermer Oyunu Tarla.az