ALLAHIN sonsuz gucunu teqdir etmek

pol DeCeL_MeLeK 10 Apr 2013 / 21:38
“Onlar Allahı lazımınca qiymətləndirmədilər. Şübhəsiz ki, Allah Qüvvətlidir, Qüdrətlidir!” (Həcc surəsi, 74)
Allah sonsuz qüdrətini və elmini mövcud olan hər varlıqda göstərir. İnsan bədənindəki mükəmməllikdə, çiçəklərin görünüşlərindəki, rəng və qoxularındakı gözəllikdə, səmanın və kainatın ehtişamında, planetlərin orbitinin nizamında, dənizlərin dərinliklərindəki balıqlarda və ağılınıza gələn hər şeydə açıq-aşkar şəkildə görünən dizayn və nizam Allahın varlığının və sonsuz gücünün açıq-aydın dəlillərindəndir. İnanmayanların bir qismi Allahın varlığının və qüdrətinin sonsuz olduğunun fərqində olmalarına baxmayaraq, təkəbbür göstərərək inkar edir, Allahın böyüklüyünü tanımağa belə cəhd etmirlər. Ağıl sahibi olmadıqları üçün Allahın varlığının və böyüklüyünün, bütün varlıqlarda görünən açıq dəlilləri görə bilmirlər. Bir ayədə, insanların içində olduqları bu qəflət belə bildirilib:
“Göylərdə və yerdə neçə-neçə dəlillər vardır ki, insanların çoxu onların yanından üz çevirib keçirlər”. (Yusuf surəsi, 105)
Kainatda mövcud olan böyüklük və uzaqlıqlar, insan təxəyyülündən çox kənardır. Kainatın böyüklüyünü düşündükdə yaşadığımız dünyada hesab etdiyimiz böyük rəqəmlərin əslində olduqca kiçik olduğunu görərik. Məsələn, kainatda 300 milyard qalaktikanın mövcud olduğu hesablanmışdır. Bu qalaktikalardan biri olan və içində olduğumuz Samanyolu qalaktikasında 250 milyard ulduz var. Bu ulduzlardan biri hesab olunan Günəşin diametri orta hesabla dünyanın diametrinin 103 misli qədərdir. Günəşə ən yaxın olan ulduz Alpha Centaurini Günəşdən 78.000 kilometr uzaqlıqda yerləşir.
Hələ də sirri gizli qalan kosmos və onun içindəki milyardlarla qalaktika, öz orbitlərində özləri üçün təyin olunmuş istiqamətdə hərəkət edir və nəhəng cazibə qüvvəsi ilə bir-birlərinə təsir edirlər. Bu əzəmətli kainatda nəhəng böyüklüyə malik olan bütün ulduzlar, bunları izləyən peyklər, hətta bunların üzərindəki tək bir buz və ya toz dənəsi, qısacası kainatdakı hər şey özləri üçün təyin olunmuş qədər daxilində hərəkət edir. Hər birinin hərəkəti, fırlanma sürəti, istilikləri, uzaqlıqları Allah Qatında təyin olunmuşdur. Yerin dərinliklərindəki gözlə görünməyən kiçik bir canlını yaradan, onun üçün bir qədər təyin edən Allah, kainatdakı nəhəng ulduzları da ən mükəmməl şəkildə yaratmış və hər şeyi olduğu kimi onları da davamlı olaraq Öz idarəsi altında saxlayır. Kəbir olan Allah, böyüklüyünü və qüdrətini, torpağın altında yaşayan bir canlıda da, kainatın dərin qaranlıqlarındakı nəhəng qalaktikalarda da açıq şəkildə nümayiş etdirib göstərəndir.
İnsan yerdə və göydə olan hər hansı bir şeyi araşdırsa, mütləq Allahın üstün və qüsursuz sənəti ilə qarşılaşacaq. Varlıqların heç biri təsadüfən hər hansı bir xüsusiyyət qazana bilməz, təsadüfən mövcud nizam və tarazlıqlarını qoruya bilməzlər. Bunların hamısı üstün və sonsuz ağılın idarəsində və hakimiyyətindədir. Hər yerdə varlığını göstərən bu üstün ağıl, aləmlərin Rəbbi olan uca Allaha aiddir.
Bu dəlilləri ancaq ətrafında mövcud olan varlıqların yaradılış məqsədini düşünən, açıq mühakimə qabiliyyətinə malik, ağlını və vicdanını istifadə edə bilən insanlar görə bilirlər. Bunlar da iman gətirən insanlardır. Möminlərin ən əhəmiyyətli xüsusiyyətlərindən biri dərin düşünə bilmələridir. Səmimi yanaşma, azad və səthi olmayan düşüncə qabiliyyətinə malik olan möminlər bunun sayəsində Allahın yaradılışdakı sənətini və gücünü görərək Onun böyüklüyünü və qüdrətini təqdir edirlər. Bir ayədə ağıllı olan insanların Allahın ayələrini hər yerdə görə biləcəkləri belə açıqlanır:
Həqiqətən də, göylərin və yerin yaradılmasında, gecə ilə gündüzün bir-birilə əvəz olunmasında, insanlara fayda verən şeylərlə yüklənmiş halda dənizdə üzən gəmilərdə, Allahın göydən endirdiyi, onunla da ölmüş torpağı diriltdiyi suda, Onun bütün heyvanatı yer üzünə yaymasında, küləklərin istiqamətinin dəyişdirilməsində və göylə yer arasında ram edilmiş buludlarda, başa düşən insanlar üçün dəlillər vardır. (Bəqərə surəsi, 164) Bunu qavrayan insan, baxdığı hər şeydə Allahın varlığının dəlillərini görər, Onun qüdrətinin izlərini seyr edər. İnsanların əksəriyyəti bu həqiqətləri düşünmədən, tamamilə boş bir ağılla yaşadığı halda, mömin davamlı olaraq Allahı təfəkkür edər. Bir ayədə nümunə olaraq müsəlmanın rəftarı belə izah edilir: O kəslər ki, ayaq üstə olanda da, oturanda da, uzananda da Allahı yad edir, göylərin və yerin yaradılması haqqında düşünür (və deyirlər:) “Ey Rəbbimiz! Sən bunları əbəs yerə xəlq etməmisən. Sən pak və müqəddəssən. Bizi Odun əzabından qoru! (Ali İmran surəsi, 191)

[cavab]

pol QA_R_A_Q_AN 10 Apr 2013 / 21:39
superdi vallah

[cavab]


 
Bölmeye qayıt
19.04.13 22:00
0.1467 san.
© 2012 - Şen Fermer Oyunu Tarla.az